Unha nena sobrevive traes caer desde un sexto piso no centro de Vigo
A menor aínda non está fóra de perigo. A Policía Nacional indica que non hai indicios de criminalidade, todo apunta a un desgraciado accidente.
Unha menor, de 10 anos de idade, resultou ferida grave na noite deste pasado xoves tras precipitar desde o balcón da súa casa en Vigo.
Segundo fontes do 112 Galicia consultadas por Europa Press, os feitos ocorreron sobre as 23.30 horas e foi un particular o que solicitou asistencia médica para unha menor que se caeu desde unha vivenda no canellón de Núñez, en Vigo.
Por iso, o Centro Integrado de Atención ás Emerxencias alertou aos servizos médicos do 061-Galicia, así como á Policía Nacional e á Policía Local.
Finalmente, unha ambulancia trasladou con vida á menor a un centro hospitalario da cidade.
Fontes da Policía Nacional consultadas por Europa Press confirmaron o ocorrido e explicaron que se investiga como un feito accidental, indicando que a menor, de 10 anos, caería do balcón da súa vivenda.
Escribe o teu comentario