Accidente mortal: falece un motorista e varios feridos graves en Coruxo, Vigo
Son tres os hospitalizados con lesións graves, segundo o 112. Tratouse dun sinistro en cadea, pois un turismo e a moto colisonaron de fronte e despues o coche impactou cun terceiro vehículo.
Un motorista morreu e outras tres persoas resultaron feridas tras o choque frontal entre unha motocicleta e un coche na PO-325, en Coruxo (Vigo), segundo informou o servizo de Emerxencias 112 de Galicia.
En concreto, o lugar do suceso foi a Avenida Ricardo Mella, á altura dunha gasolineira, pouco antes do oito da tarde.
O motorista que perdeu a vida era un home de Nigrán de 53 anos, segundo Faro. Por algunha aínda por esclarecer, a moto e o primeiro turismo, un Audi vermello, chocaron de fronte, xusto na esquina dereita do capó do Audi. A berlina perdeu entón o control e foi chocar contra unha furgoneta de cor azul que á súa vez se saíu da vía chocando cun noiro.
No Audi viaxaban dúas persoas que resultaron feridas a pesar de que saltaron os airbags, entre elas unha muller embarazada. Na furgoneta había un viaxeiro, que tamén resultou ferido. As primeiras informacións apuntan a que están fóra de perigo.
A garda civil está no lugar investigando as causas da traxedia.
O accidente produciuse a tarde deste xoves e até o lugar desprazáronse efectivos de Urxencias Sanitarias de Galicia-061, Bombeiros de Vigo, Garda Civil de Tráfico e Policía Local.
Escribe o teu comentario