O pleno de Santiago aprobará este luns a solicitude de zona tensionada

A xunta de goberno local do Concello de Santiago dará este luns luz verde á solicitude para pedir que a capital galega sexa declarar zona de mercado residencial tensionado.

A proposta, emitida pola Concellaría de Urbanismo Vivenda e Cidade Histórica, será aprobada na xornada do luns polo órgano de goberno e tras iso será remitida á Xunta, que é a administración que ten competencia para decretar a autorización.

Neste sentido, o concelleiro de Urbanismo, Iago Lestegás, sinalou que o acceso á vivenda é "un dos grandes desafíos" actualmente e tamén é unha das "principais preocupacións dos veciños". Por iso, o Concello ve "prioritario actuar para abordar a crise da vivenda".

Lestegás expuxo o xoves, en declaracións aos medios, que esta declaración servirá para "conter a escalada do prezo do aluguer" e tamén para que o concello "poida acceder a fondos estatais específicos para políticas de vivenda".