Faltan enfermeiras porque as condicións no SERGAS van a peor, advirte as colectivo "Enfermeiras a por todas"

A asociación , que se define como asindical e apolítica,  lembra que as enfermeiras demostraron o seu compromiso coa sociedade durante a pandemia COVID . Con todo, denuncian que o seu poder adquisitivo e os seus dereitos e condicións laborais foron minguando nas últimas décadas. En particular, as enfermeiras denunciaron que seguen sendo mal clasificadas como Grupo A2, cando desde 2007, tras a aprobación do plan Bolonia, son graduadas universitarias e deberían ser Grupo A1.

O grupo, que ten presenza en Ferrol e noutras áreas sanitarias,  engadiu que as condicións retributivas non acordes á considerable responsabilidade, sumada aos contratos precarios e á pouca estabilidade laboral, son incompatibles coa satisfacción e a motivación das enfermeiras. Por estes motivos, din, moitas enfermeiras abandonaron o SERGAS e as que continúan traballando senten infravaloradas.

 Argumentan que, existindo un déficit de profesionais, en lugar de mellorar as condicións laborais para atraer a máis compañeiras á sanidade pública, o SERGAS aprobou de maneira unilateral un complemento voluntario mal denominado “xornada complementaria” que leva a traballar máis ás enfermeiras, xa excedidas e esgotadas, fóra da xornada ordinaria, a prezo de saldo.