Galicia notifica un novo falecemento por Covid

Os casos activos de Covid-19 en Galicia aumentaron até os 1.358, o que supón 32 máis que os rexistrados este pasado venres pola Consellería de Sanidade. Ademais, o Sergas, ha nitificado un novo falecemento, polo que as vícitmas con Covid na comunidade galega ascenden a 3.983 desde o inicio da pandemia.

Segundo os datos achegados pola Consellería, recollidos até as 18:00 horas deste venres, os casos activos soben na área sanitaria da Coruña e Cee, que rexistra 233 (dúas máis), na de Lugo, A Mariña e Monforte, que conta con 165 (16 máis), na de Santiago e O Barbanza, con 211 casos activos (12 máis) e na de Vigo, que notifica 304 (13 máis).

Pola contra, descenden na área sanitaria de Ferrol, que rexistra 88 (3 menos), na de Ourense, Verín e Ou Barco, que baixa até os 229 (seis menos) e na de Pontevedra e O Salnés, que conta con 127 (un menos).
 

PACIENTES HOSPITALIZADOS

Con respecto aos pacientes hospitalizados, os datos coñecidos este sábado reflicten un lixeiro descenso, xa que os centros hospitalarios galegos contan con 166 persoas ingresadas con Covid-19, unha menos que na xornada anterior.

En planta notifícase un paciente menos ingresado, polo que se sitúan nun total de 158, mentres que nas unidades de coidados intensivos mantéñense oito persoas.

Do total de pacientes hospitalizados, 50 atópanse na área sanitaria da Coruña, 29 na de Ourense, 26 na de Lugo, 23 na de Vigo, 20 na de Santiago, 14 na de Pontevedra e catro na de Ferrol.