Baixan os casos activos de Covid en Galicia, pero continúan por encima dos 2.000
Na última xornada rexistráronse 160 positivos
Os casos activos de coronavirus seguen por encima da barreira dos 2.000 en Galicia, nunha xornada na que se detectaron 160 positivos. No entanto, os hospitalizados diminuíron a 165, dos que oito están en unidades de coidados intensivos.
De acordo cos datos desta mañá, actualizados polo Seervizo Galego de Saúde, con cifras de até as 18:00 de onte, venres, os casos activos han disminuído en 56 no último día, até os 2.045.
A área sanitaria que máis casos contabiliza é a da Coruña, cun total de 407, 13 máis que fai 24 horas. Séguelle a área de Ourense, con 394; Santiago, con 303; Vigo, con 275; Lugo, con 227; Pontevedra, con 225, e Ferrol con 213.
Os contagios que o #Sergas nas últimas 24 horas acumúlanse principalmente nas áreas de Ourense e A Coruña (29 e 34). Con máis diferenza están as de ontevedra (16), Santiago (23), Vigo (19), Ferrol (25) e Lugo (14).
En canto aos hospitalizados diagnosticados de covid-19 en Galicia, descenderon en 19, até os 165. De todos eles, hai oito na #UCI, un menos que hai un día: catro na área da Coruña, un na de Ferrol, un na de Santiago un na de Vigo e outro na de Ourense.
En canto ao número total de ingresados, sitúase en 31 (-3) en Ourense; na Coruña en 44 (-7), en Santiago a 14 (-9); na de Vigo en 27 (-4), na de Lugo en 13 (-1); na de Ferrol en 13 (-2); e na de Pontevedra, 25 hospitalizados (-2).
Todo iso nunha xornada na que o #Sergas notifica que xa son 677.936 as persoas que superaron a enfermidade e 3.943 as falecidas, dúas máis que na última xornada. Os óbitos correspóndense a un home de 78 anos que faleceu o día 2 de novembro na área de Vigo e a outro, da mesma idade, morto na área de Lugo o día 3 de novembro.
Escribe o teu comentario