Rusia proba un torpedo nuclear e Trump manda facer test nucleares

O presidente ruso Vladímir Putin anunciou este mércores que Rusia realizou con éxito unha proba do torpedo nuclear submarino Poseidón, unha afirmación que se produce apenas días despois doutro ensaio estratéxico co mísil Burevestnik e no medio de crecentes tensións na escena global. En Galicia, expertos e analistas observan con inquietude o efecto do rearmamento nun contexto europeo cada vez máis volátil.

Moscova sostén que o novo ensaio —o pasado martes, segundo o Kremlin— non só consistiu en lanzar o Poseidón desde un submarino, senón tamén en pór en marcha a súa propulsión nuclear durante un certo tempo, o que marcaría un avance respecto de versións anteriores. 

Segundo Putin, esta combinación de lanzamento e activación nuclear sitúa a este dispositivo fóra do alcance de defensas convencionais 

O mandatario ruso fixo o anuncio nun hospital en Moscova, onde se reuniu con soldados feridos no conflito de Ucraína.  Subliñou que “non existe nada como isto no mundo” e remarcou que o poder do torpedo supera ao do mísil intercontinental Sarmat, coñecido tamén como “Satán II” 

Este novo anuncio enmárcase nunha sucesión de demostracións estratéxicas recentes promovidas polo Kremlin. Só días antes, Rusia comunicara o éxito dunha proba co mísil de cruceiro nuclear Burevestnik. Xuntos, estes proxectís forman parte do conxunto de “superarmas” que Putin divulgou en 2018 como resposta ás iniciativas de defensa occidentais. 

O uso de armas nucleares submarinas, segundo analistas internacionais, representa un chanzo aínda máis alarmante na carreira armamentística global, ao dificultar a detección e a neutralización por parte de sistemas de defensa estándar.   No entanto, non foi posible confirmar de forma independente que a proba teña lugar cos parámetros que describe Moscova. 

A Casa Branca reponde ás intimidacións e avances do Kremlin

O anuncio ruso chega nun momento de máxima tensión geoestratégica. Rusia segue avanzando lentamente en Ucraína, está a piques de conquistar a cidade de Pokrovsk, e probou dous proxectís nucleares desde que Trump cancelou o anunciado encontro con Vladimir Putin en Budapest. Estados Unidos tamén sancionou ás empresas petrolíferas rusas, principal vía de financiamento da invasión. 

O presidente estadounidense Donald Trump decretou a reactivación inmediata de probas nucleares tras tres décadas de pausa, argumentando a necesidade de manter unha  vantaxe comparativa fronte a Rusia e China. 

Trump defendeu que o arsenal de EE. UU. permanece  baixo chave e que está disposto a desmantelar probas nucleares si outros países comprométense. Pero expertos advirten que renovar ensaios pode provocar unha reacción en cadea: cada potencia podería sentir obrigada a replicar ensaios para validar os seus propios sistemas.

Pequín e Moscova, pola súa banda, advertiron sobre as consecuencias desa decisión estadounidense: unha continuación de probas pode sumir ao planeta nunha dinámica de provocacións mutuas.