A calor matou a 351 persoas desde o inicio do verán no verán en Galicia, máis da metade en agosto
Os datos do sistema MoMo, de monitorización da mortalidade diaria, do Instituto de Saúde Carlos III, eleva até as 156 as mortes no que vai de mes.
As mortes atribuíbles á calor en Galicia alcanzaron, desde o principio da tempada de verán, os 351 decesos, segundo os datos do sistema MoMo, de monitorización da mortalidade diaria, do Instituto de Saúde Carlos III, que considera o 15 de maio como inicio do período estival.
Eses datos, estimacións elaboradas a partir da mortalidade notificada, observada, esperada e atribuíble á temperatura (neste caso por exceso), reflicten que, desde o 15 de maio, 351 persoas faleceron en Galicia por causas asociadas á calor, máis de 150 delas no mes de agosto.
Así, os días do 5 a 11 de agosto son os que recollen os 'picos' de mortalidade, con xornadas nas que se notificaron até 12 e 13 óbitos.
No mesmo período, desde o 15 do maio ao 18 de agosto, rexistráronse en toda España 2.635 mortes atribuíbles ás altas temperaturas.
Escribe o teu comentario