Máis de 600 raios caen durante este sábado 3 de maio en Galicia
Xa de face ao domingo, continuará a inestabilidade en Galicia e entrará aire frío que deixará temperaturas baixas para esta época do ano
Galicia rexistra máis de 600 raios este sábado, 3 de maio, unha nova xornada de alerta amarela por fortes choivas e tormentas, segundo a información de Meteogalicia.
A Axencia Estatal de Meteorología (Aemet) activou desde o mediodía deste sábado a alerta amarela por este temporal en varios puntos das provincias da Coruña, Lugo e Pontevedra.
De feito, tormentas e choivas puxeron este sábado en aviso a nove comunidades: Asturias, Castela e León, Castela-A Mancha, Estremadura, Galicia, a Rexión de Murcia, Comunidade Valenciana, Aragón e Cataluña .
Xa de face ao domingo, continuará a inestabilidade en Galicia e entrará aire frío que deixará temperaturas baixas para esta época do ano. Haberá ceos parcialmente cubertos, con choivas probables en calquera punto da comunidade.
Escribe o teu comentario