A Xunta terá que indemnizar con 40.000 euros á familia dunha nena ferida ao caer nunha gardaría

A Xunta de Galicia deberá indemnizar á familia dunha nena que se lesionou ao caer nunha gardaría de Lugo e golpear contra un pavimento que se considerou "inadecuado".

Foi o Tribunal Superior de Xustiza de Galicia o que confirmou estes días a sentenza imposta en abril de 2024 por el Contencioso-Administrativo número 2 de Lugo, na que se condenaba ao pago de 40.666,81 euros en concepto de indemnización.

O accidente tivo lugar en 2015 cando a nena estaba no parque de xogos da gardaría e sufriu unha caída ao subir por un tobogán impactando contra o solo, que era de terrazo. Ferida de gravidade tivo que ser intervida até en dúas ocasións e requiró tratamento durante 1.450 días.

Os pais reclamaron en primeiro lugar ante o Consorcio Galego de Servizos, Igualdade e Benestar, que xestiona a gardaría, o pago da indemnización pero, ante a falta de resolución, fixeron a denuncia pola vía contenciosa.

Na sentenza deste rebaixouse a contía da indemnización que solicitaban, desde os 82.900 euros aos 40.661 e fíxose responsable nun 70 por cento ao consorcio e no 30% restante ao concello.

O pavimento, que despois foi substituído por un de cortiza, foi o motivo que esgrimiu o Consorcio na súa reclamación para cambiar a repartición de responsabilidades, que foi desestimado polo TSXG.