Policías nacionais reclamarán a Marlaska en Tui unha xubilación digna para os axentes

Este xoves 9 de decembro terá lugar a inauguración da nove sede do Centro de Cooperación Policial e Aduaneira (CCPA) en Tui . Até alí desprazaranse a ministra de Administración Interna de Portugal, María Margarida Blasco, e o ministro do Interior, Fernando Grande-Marlaska, que terá que escoitar as protestas dos axentes da Policía Nacional que demandan unha serie de melloras no colectivo.
 

A partir das 10 HORAS

Desde o Sindicato Unificado de Policía (#SUP) levan meses demandando melloras na situación dos axentes para dotalos de melloras socio-laborais e, especialmente, "unha xubilación máis digna" para os axentes. Por iso, desde o sindicato anunciaron que se mobilizarán en Tui entre as 10 e as 12 para levar as súas reivindicacións ante o Ministro do Interior, onde celebrarán unha concentración "pacífica e sen armas".

Para "cumprir os compromisos", o SUP indica que debe executar "a declaración como profesion de risco desta vital labora para a sociedade e impulsando a lei que se atopa paralizada polo Goberno no Congreso, beneficiando a mesma a todo o colectivo".  

No acto tamén estarán presentes Enrique Cabaleiro, alcalde de Tui, Pedro Blanco, delegado do Goberno en Galicia, e Sofía Hernanz, presidenta da Sociedade de Infraestruturas e Equipamentos Penais e da Seguridade do Estado (Siepse), entre outros.