Os profesores galegos denuncian a cancelación e atraso das súas citas coa Muface, asegura CSIF

O fin da Muface está cada vez máis cerca e os seus efectos empezan a percibir de maneira clara, cunhas consecuencias que só podemos de momento atisbar con máis de 1,5 millóns de afectados en toda España. E é que, segundo as enquisadas que realizou a Central Sindical Independente e de Funcionarios (#CSIF), moitos mutualistas xa fixeron saber que experimentan atrasos, falta de citas médicas ou, mesmo, cancelacións.

MANIFESTACIÓN EN MADRID

Así o suxeriron catro de cada cinco docentes galegos enquisados polo sindicato, onde subliña que o 79,4% dos consultados denuncia cancelacións ou falta de cita na Muface, mentres que practicamente a metade di sufrir reatrasos en autorizacións para a realización de probas. Outro advirten, directamente, que xa comezaron a negarlles as propias probas, nun 22,15% dos casos.

A ollos do sindicato estes datos "corroboran a necesidade dunha mobilización masiva o vindeiro sábado día 14 en Madrid para esixir non só o mantemento deste modelo sanitario, senón que se faga en condicións dignas para evitar a progresiva deterioración da súa calidade asistencial".

Así o sostén Rosa Silva, presidenta de CSIF Ensino na comunidade galega, que salienta a mala calidade deste servizo dun tempo para acó, co aumento significativo das listas de espera. O Goberno de Galicia cifrou nun gasto de 170 millóns anuais as consecuencias económicas de incorporar ao SERGAS a todos os mutualistas afectados pola extinción da Muface, un 55% deles docentes. A continuación, suxiren que este só é o primeiro paso para eliminar outros sistemas parecidos, como o da Mugeju.

O sindicato insiste que o Goberno de España non pode mirar para outro lado e esixen unha solución inmediata coa renovación do concerto que subscribiron DKV, Adeslas e Asisa na última firma do mesmo. "Estamos a falar dun dereito fundamental tan importante como é a saúde, a nosa e a dos nosos familiares, e non podemos continuar nesta situación de incerteza, sen saber o que vai pasar e sufrindo xa, como demostra a enquisa, as súas consecuencias", afirman desde CSIF, á vez que apostilan que Galicia non é un caso excepcional e que todas as Comunidades experimentaron un aumento igual de significativo, polo que non caben as "improvisacións", como acusan o Goberno central.

A sobrecarga do sistema sanitario público é outra das preocupacións de CSIF, que cre que na manifestación deste sábado pode pór a primeira pedra dunha serie de protestas que poden ir a máis se non se acha unha solución inmediata.