ALAS A Coruña organiza a marcha do 'Orgullo' para o próximo 28 de xuño

Con motivo do Día Mundial do Orgullo LGTBI+, que coincide en mércores este 2023, a cidade da Coruña, capital do 'Orgullo' no norte peninsular, celebrará unha gran marcha organizada por ALAS A Coruña na que reivindicar os dereitos e manifestar as vulneracións que aínda acosan aos membros do colectivo. 

As protestas, que este ano levará a lema 'Orgullo LGTBI+: Revoltas do pasado, celebración do presente e conquistas de futuro', partirá o 28 de xuño ás 19:30 horas da Praza de Ourense e dirixirase até a Praza de María Pita, ante o consistorio coruñés, onde se procederá á lectura do manifesto.

"A asociación quere facer fincapé no carácter reivindicativo e político destas datas nas que rememoramos os disturbios de Stonewall, nos que as protagonistas foron mulleres trans, racializadas e traballadoras sexuais", detallan desde a plataforma, que quere pór en valor os pasos dados ao longo deste ano coa aprobación da Lei LGTBI, "que supuxo un avance significativo en materia de dereitos humanos para toda a sociedade española". 

"Aínda así, aínda quedan moitos por lograr, como unha maior protección para as persoas LGTBI+ migrantes ou refuxiadas", reclaman. 

ELECCIÓNS XERAIS

A manifestación deste ano ten lugar nun momento de especial polarización política, un clima no que algúns partidos de ultradereita alentaron as condutas de odio de grupos homófobos que protagonizaron episodios como o ocorrido esta mesma semana en Cabanas, onde han vandalizado mobiliario urbano por estar decorado coas cores da bandeira arcoíris. 

"A comunidade LGTBI+ tamén se enfronta a unhas eleccións xerais nas que se xoga moito, debido á crecente normalización dos discursos de odio desde diferentes institucións e partidos. Ante as ameazas da dereita de derrogar, ou non garantir, os dereitos conseguidos coa Lei LGTBI que está en proceso de implementación, desde ALAS A Coruña pídese á cidadanía que participe de forma masiva na manifestación", subliñan. 

A presidenta de ALAS, Ana G. Fernández, salienta en que é "crucial" que a cidadanía "tome as rúas en defensa dos avances sociais conquistados e que fan da nosa sociedade unha das máis plurais do mundo", á vez que anima a votar o 23 de xullo para frear o acance das fuerzs de extrema dereita e "non esquecer que partidos son os que garanten os dereitos das minorías".