A folga de autobuses, a un paso máis de ser desconvocada

Sindicatos e patronal deron xa o primeiro paso para desconvocar a folga que daría comezo este luns, 8 de maio, convocada por por o sector do transporte público por estrada. Trátase dunha mobilización, que no caso de cumprir os servizos mínimos fiados pola Xunta de Galicia, suspendería máis de 1.000 servizos diarios.

Despois dunha negociación tras un parón de 24 horas debido ás posicións cada vez máis afastadas entre a patronal e os sindicatos, selouse un acordo de melloras salariais entre ambas as partes, mediado polo Consello de Relacións Laborais da Consellería de Emprego.

O seguinte paso para pór fin á folga convocada a partir deste luns é levar o documento ás asembleas de traballadores, quen o votarán hoxe ás 21:00. Segundo fontes sindicais, "seguramente" o paro indefinido sexa finalmente desconvocado.

FRACASO NAS NEGOCIACIÓNS PREVIAS

Despois de que sindicatos e patronal mantivesen unha primeira reunión o martes, nas que os primeiros saíron con boas expectativas, dous días despois, coa vista posta nunha segunda reunión o xoves, esta prolongouse durante máis de dez horas, sen chegar a achegamento algún.

O venres chegou un intento frustrado de retomar as negociacións, pero finalmente os sindicatos decidiron pasar a convocar a folga indefinida. Todo apunta, no entanto, a que este sábado será desconvocada.