Londres celebra a coroación de Carlos III na Abadía de Westminster

Os reis de España, Felipe e Letizia, asistiron este sábado á coroación de Carlos III como rei de Inglaterra, xunto co resto das casas reais que foron convidadas á cerimonia. Unha cerimonia á que non asistiron os reis eméritos, Juan Carlos e Sofía.

O acto de coroación tivo lugar na Abadía de Westminster en Londres , que deu comezo cunha procesión que dirixiu ao lugar ao monarca e á raíña Camila. Posteriormente, produciuse a entrada dos reis na capela, onde lles agardaban máis de 2.000 asistentes.

Á cerimonia asistiu tamén o píncipe Enrique, fillo menor de Carlos III, xunto coas súas curmás, as princesas Beatriz e Eugenia. Algúns destes invitados entraron na abadía ataviados con uniformes militares, traxes relixiosos e medallas.

Despois da unción, o rei recibiu as distintas regalías, como a espada real, que portará durante a cerimonia, as luvas e, finalmente, a coroa, colocada polo arcebispo de Canterbury.

A continuación tivo lugar a breve coroación do rei consorte Camila, un acto que só leva a cabo en Inglaterra coas raíñas consortes, mais non cos reis.

DETIDO GRAHAM SMITH

Graham Smith, o líder do movemento antimonárquico británico, Republic, foi detido antes do comezo da coroación de Carlos III, xa que, segundo informaron as autoridades, estaba a tentar participar nunha protesta contra a monarquía.