O Montecelo terá unha unidade de radioterapia que evitará desprazamentos a Vigo para recibir este tratamento
O conselleiro de Sanidade, Xullo García Comesaña, visitou este sábado as obras do búnker de radioterapia
O Hospital Montecelo de Pontevedra contará cun novo servizo de radioloxía. Isto evitará que os pacientes oncolóxicos teñan que desplazrse a Vigo desde a área sanitaria de Pontevedra para recibir este tratamento.
O conselleiro de Sanidade, Xullo García Comesaña, visitou este sábado as obras do búnker de radioterapia, que ocupa un espazo de 430 metros, segundo explicou a Xunta nun comunicado.
Coa seguridade como "eixo fundamental", contará con dous aceleradores lineais que supuxeron un investimento de máis de 4 millóns de euros.
A construción desta instalación emprega formigón mesturado con barita, un tipo de formigón de características especiais, que lle confiren un 30% máis de densidade ao material de construción. O seu interior distribúese en forma de labirinto, co obejtivo de "garantir que a zona de exposición aos tratamentos radiolóxicos estea sempre separada e illada da zona de control médico".
Comesaña destacou que a dotación deste novo servizo se encuaddra nos plans da Xunta de Galicia para renovar a tecnoloxía dos hospitais, o que supuxo o ano pasado un investimento de 76 millóns de euros para adquirir novos equipos.
Escribe o teu comentario