Consulta a listaxe de buses gratuítos, pero con prazas limitadas, para a manifestación en defensa da sanidade pública

Os organizadores da protesta avanzan que hai programados buses que virán desde comarcas como O Barbanza, Costa da Morte e distintos puntos de Pontevedra.

Por outra banda, a do 12 de febreró non será a única protesta da próxima semana en Galicia, xa que en Monforte de Lemos e Verín xa programadas outras manifestacións pola defensa e mellora da sanidade pública.

O próximo 12 de febreiro Santiago de Compostela vai vivir unha xornada histórica. Ou, polo menos, así o esperan as organizacións que promoven a gran manifestación que hai programada na capital galega en defensa e mellora da sanidade pública. As plataformas '#SOS Sanidade Pública' e 'Pediatras e matronas, Xa!' animan á poboación a sumar á protesta, para a que facilitan os medios de transporte desde distintos puntos de Galicia para poder acudir a Santiago o vindeiro domingo. 

Desta forma, e tomando como exemplo a Costa da Morte, vemos que hai buses desde Fisterra, Corcubión, Cee, Muxía, Dumbría, Camariñas e Vimianzo. Algúns partirán desde a estación de autobuses da localidade, como é nos casos de Fisterra e Cee, pero outros arrincarán desde o consistorio de quenda e algúns, como Dumbría e Camariñas, disporán de varias paradas.

As prazas nos autocares son limitadas e desde as plataformas recomendan reservar canto antes os asentos para evitar que haxa xente que se poida quedar en terra. O mesmo ocorre na comarda do Barbanza, onde haberá buses que partirán desde Ribeira, A Pobra do Caramiñal, Boiro e Rianxo. 

Desde Marín e A Guarda tamén hai programados buses dirección Santiago o próximo 12 de febreiro, mentres que outros municipios, As Neves, Mondariz, Ponteareas ou Salvaterra do Miño contarán con transporte, pero cun prezo de 5 euros, salvo para estudantes e desempregados.

OUTRAS MANIFESTACIÓNS

A maiores, e máis aló da manifestación principal, para os próximos días hai programadas outras concentracións en distintos puntos de Galicia. A primeira delas será en Monforte de Lemos, leste mesmo luns 6 de febreiro, en defensa da sanidade pública e contra a súa deteiroro. A protesta terá lugar na Praza de España do municipio monfortino, ás 20 horas.

Por outra banda, xa en Verín , se celerará o 11 de febreiro unha protesta pola falta de profesionais pediátricos na zona. "Ante o silencio administrativo, non nos deixan outra", reza a chamada á manifestación, que terá lugar ás 17 horas ante o centro de saúde da localidade ourensá.