Natalia pediu un prato de ameixas de 19 € e atopou unha perla de 4.000 nun restaurante de Muros
Natalia Freire non para de atender ao teléfono desde que a semana pasada atopou algo que non debía estar no seu prato de ameixas. A hostaleira muradá notou algo duro, demasiado duro para ser unha area. A súa sorpresa foi enorme cando comprobou que se trataba dunha perfecta perla.
Freire aínda non recibiu a valoración dun experto pero sabe que perlas similares roldan os 4.000 euros aproximadamente. Hai discusión sobre de quen é a perla, do restaurante ou do cliente? Non, en parte porque a moza é tamén traballadora de Casa Sampedro (Muros, A Coruña).
Natalia ía a tiro fixo. Sabía que as ameixas deste local están "buenísimas". Aínda así, nunca podía imaxinar que ademais de buenísimas os bivalvos ocultaban un bo tanto.
A muller tivo moitísima sorte. Aínda que case todos os organismos mariños deste tipo poden formar perlas, é moi raro que unha ameixa japónica lógreo en Galicia. Á fin e ao cabo, os biólogos da Confraría de Muros estiman que é un proceso que leva polo menos unha década.
DE ONDE VEÑEN As PERLAS?
Unha perla fórmase cando un irritante, como un anaco de area ou un parásito, penetra no caparazón dun molusco, como unha ostra ou un mexillón. Para protexer do irritante, o molusco secreta unha sustancia chamada nácar, que se acumula ao redor do irritante e forma unha perla.
A perla crece co tempo a medida que o molusco continúa secretando nácar. As perlas cultivadas fórmanse ao introducir intencionalmente un irritante no molusco e logo colleitar a perla despois de que alcance certo tamaño. Non é o caso da perla de Muros.
O suceso causou conmoción en Muros e en toda Galicia. Pese ao coñecemento da bioloxía mariña que atesouran os seus habitantes nesa vila dunha gran tradición mariñeira, ninguén ten noticia de precedente similar.
“É a primeira vez na miña vida que vexo isto.Nin si queira sabía que podía haber perlas nas ameixas, pensaba que só se atopaban nas ostras”, declarou Javier García, hostaleiro do restaurante Casa Sampedro, a Antena 3. Freire indica que a súa idea é vendela.
Escribe o teu comentario