Unha cabicha convertida en sistema de ignición retardado: Así son os artefactos que se usan para perderlle lume ao monte
A Unidade de Investigación de Incendios Forestais (UIFO) é un corpo formado por axentes ambientais da Xunta especialistas en identificar os pirómanos. Hoxe atoparon unha importante pista.
Efectivos da Unidade de Investigación de Incendios Forestais (UIFO) da Consellería do Medio Rural localizaron un artefacto incendiario que provocou un conato de incendio, xa extinguido, no distrito forestal XVIII (Vigo-Baixo Miño).
En concreto, trátase de unha cabicha provista dun sistema de ignición, concibida para ser depositada no monte e prender lume de maneira retardada, para dar tempo ao incendiario a distanciarse do lugar.
Esta proba foi achada nun conato de lume que quedaba extinguido esta madrugada, grazas á rápida intervención dos servizos anti incendios. O levantamento do achado fíxose de forma conxunta coa Garda Civil, que se encargará agora de procesar e analizar a proba.
A VISTA DE DRON
A localización deste dispositivo forma parte do traballo dos profesionais da UIFO diseminados por todo o territorio galego en tarefas de investigación e vixilancia. Un labor que se apoia tecnicamente no uso de novas tecnoloxías, como é o caso dos drons, así como no sistema de vixilancia posto en marcha pola Xunta, cun total de 148 cámaras instaladas por toda Galicia e que mesmo permite identificar matrículas de vehículos.
Escribe o teu comentario