Un home tenta agredir a unha muller que non coñecía de nada en Pontevedra
Os axentes da Policía Local, en colaboración coa Policía Nacional, lograron reducilo e chamaron a unha ambulancia para que fose atendido no lugar
A Policía Local de Pontevedra detivo este mércores a un home por desobediciencia grave e resistencia tras tentar agradir a unha muller á que non coñecía de nada no interior dun establecemento da cidade no que causou danos.
Ademais, unha vez detido, chegou mesmo a dar cabezazos e romper a lúa do vehículo policial. As testemuñas e a vítima manifestaron que estaban no local cando o detido propinoulle dúas patadas á vítima.
Así mesmo, segundo relata a Policía, tamén colleu botellas e lanzoullas á muller, aínda que sen chegar a alcanzala. Nese momento, varios clientes trataron de suxeitalo e chamaron á policía.
Unha vez no lugar, os axentes tentaron que se acougase, pero o home "non entraba en razón" e mesmo se puxo a dar cabezazos contra a lúa dianteira do coche policial, que fracturou.
Así, os axentes da Policía Local, en colaboración coa Policía Nacional, lograron reducilo e chamaron a unha ambulancia para que fose atendido no lugar. A continuación foi trasladado a dependencias policiais para presentalo ante a autoridade xudicial.
Ademais dos danos materiais causados no local e no vehículo policial, tamén tratou de arrincar unha goma do limpiaparabrisas dianteiro doutro vehículo, que deixou inutilizado.
Escribe o teu comentario