Donald Trump, candidato republicano a cinco meses das eleccións, condenado no 'Caso Stormy Daniels'
O exmandatario e baza do Partido Republicano para tentar superar a Joe Biden e regresar á Casa Branca o próximo mes de novembro foi condenado por un xurado popular. Trump, que declara ser "un home inocente", foi achado culpable de 34 delitos por comprar o silencio da exactriz porno Stormy Daniels.
A pesar do escándalo, un máis na impopular carreira de Donald Trump que aínda ten procesos abertos e moito máis serios, a condena non impedirá ao candidato republicano presentar ás eleccións de novembro.
De feito, estes casos non restaron popularidade ao magnate, que nas últimas sondaxes saca certa vantaxe a un Joe Biden desgastado tanto pola idade como polos conflitos en Palestina e Ucraína.
Escribe o teu comentario