Quita da débeda: o PP e Rueda se enrocan no non

Así o defendeu este martes a través dunha proposición non de lei a deputada do BNG Noa Presas, quen sostivo que Galicia ten por diante "unha oportunidade de aproveitar xusto o que pedía o PP cando pensaba que era un imposible". Ademais, sostivo que esta medida, que "foi negociada polo BNG", foi reclamada polo Parlamento de Galicia no Debate do Estado da Autonomía de 2023.

"Brindamos unha oportunidade de rectificar e aceptar, porque a estas alturas xa ninguén cree as manipulacións do PP", dixo Presas, que censurou que ao PP non lle gusta a proposta do Bloque, pero tampouco "trae ningunha".

Ademais, Presas descartou o argumento de que esta medida beneficie aos "malos xestores" ao asegurar que, si isto é así, "beneficiaría a Galicia" tendo en conta que, segundo trasladou, o PP na Xunta "triplicou a débeda" até os máis de "12.000 millóns" conforme ao último dato do Banco de España.

Á iniciativa presentaron unha emenda os socialistas, cuxa postura foi defendida pola parlamentaria Patricia Igrexas, quen, na súa intervención, destacou que esta quita supón unha "oportunidade histórica" para liberar 4.000 millóns de euros de débeda pública.

"A pregunta é sincera, señorías da bancada do PP: Están co futuro de Galicia ou co cálculo partidista do señor Feijóo?", cuestionou Patricia Igrexas, que lamentou o "seguidismo" do PP galego a un Feijóo que "non está a facer unha oposición á altura do Estado".

A parlamentaria do PSdeG sostivo que esta medida suporía unha "redución inmediata do risco financeiro da Xunta e un alivio ás amortizacións anuais de débeda, o que significa un aforro dos intereses sempre que se cumpra a regra de déficit". Un déficit que "Galicia non cumpre" polo lado dos ingresos debido á "política irresponsable de recadación fiscal" que, na súa opinión, "practica o goberno do PP".

"Cando este anteproxecto de lei orgánica chegue ao Congreso, será moi difícil de explicar por que os deputados e deputadas galegos votan en contra de que a Galicia se lles condone 4.000 millóns", afirmou para soster que ese voto suporá unha "traizón a Galicia".

Ademais, argumentou que tampouco é certo que "esta quita fose negociada polo BNG". "Si o modelo que se aplica é común, negociaron vostedes tamén a quita da débeda de Murcia?", preguntou para sinalar que os nacionalistas só pactaron medidas "compensatorias" e asegurar que "o resto é propaganda".

REXEITAMENTO DO PPDEG
Pola súa banda, a deputada popular Cristina Sanz sostivo que a iniciativa dos nacionalistas debuxa a un BNG "máis Sanchista que o propio Besteiro" e subliñou que esta proposta de quita "non deriva dun acordo negociado co conxunto das comunidades". "Algunha delas, por exemplo Galicia, será prexudicada", advertiu.

A parlamentaria do PP afirmou que se trata dunha "tomadura de pelo", "un das peaxes que Sánchez ten que pagar por ser investido presidente".

Cristina Sanz acusou a Noa Presas de "manipular" e afirmou que "o aprobado no Debate do Estado da Autonomía de 2023 foi que "no caso de que haxa condonación ás comunidades que se adheriron ao FLA, que se compense equitativamente ás comunidades que non o fixeron". "E nós consideramos que esta oferta de condonación non é en absoluto equitativa", incidiu.

Así mesmo, rexeitou que esta quita vaia implicar que Galicia dispoña de 4.000 millóns de euros de recursos adicionais. "Iso non é certo. Esta quita trampa non implica maior capacidade de gasto. Trátase dunha operación exclusivamente financeira", incidiu para acusar á oposición de tratar de "enganar á poboación" para convencela de que esta operación "non é o que realmente é": "un pacto político cos independentistas".

A parlamentaria do PPdeG tamén dixo que se trata dun "negocio ruinoso" porque "Galicia tería que asumir 600 millóns de débeda doutras comunidades". "Non apoiaremos esta iniciativa, e apoiamos ao Goberno galego que presentou alegacións e si decide acudir á vía xudicial para defender a Galicia deste atropelo".