Besteiro reinvindica ao PSdeG fronte a "mira a Madrid" e "levanta bandeiras soberanistas"
Avoga por defender o idioma galego "sen complexos" e facer "unha Galicia máis moderna e máis xusta", mediante unha aposta por protexer o servizos públicos, garantir empregos dignos e defender solucións para a vivenda.
O secretario xeral do PSdeG, José Ramón Gómez Besteiro, animou á nova dirección do partido na provincia de Pontevedra a seguir o camiño dun Partido Socialista "centrado no que importa".
Na súa intervención en clausúraa do congreso provincial en Pontevedra no que se referendou a David Regades, Besteiro contrapuxo as políticas dos socialistas fronte a quen "vai levantando bandeiras soberanistas con discursos desfasados que non levan a ningunha parte", en alusión ao BNG, e aos que "miran para ver que lles ordenan desde Madrid", en referencia ao PPdeG.
Así, avoga por defender o idioma galego "sen complexos" e facer "unha Galicia máis moderna e máis xusta", mediante unha aposta por protexer o servizos públicos, garantir empregos dignos e defender solucións para a vivenda.
O secretario xeral tamén tivo reproches contra o líder do PP, Alberto Núñez Feijóo, pois censura que "o mesmo que é capaz de manter a farsa dos do Ventorro durante seis meses" agora "vinga a Galicia a dar leccións de xestión das emerxencias".
Finalmente, Gómez Besteiro fixou o obxectivo de recuperar a Deputación de Pontevedra: "Co aval da xente que sente protexida connosco porque sabe traballamos pola maioría social".
Escribe o teu comentario