O conselleiro Campos alega que Daniel Chapela dimite por cuestións alleas ao galego

Na historia recente de Galicia ninguén dimitira do máximo órgano de dirección do partido do goberno por desacordo coas políticas aplicadas polo propio partido. 

Ademais, a agre saída chega nun momento delicado para o PPdeG no sector no que se move Chapela, que tamén é poeta, o da cultura. Miles de galegos marcharon o domingo por Santiago en protesta contra a Política Lingüística da Xunta, indignados tras coñecer que os datos do IGE mostra que, por primeira vez, a lingua propia do país é minoritaria. Chapela acusou de incompetente ao conselleiro de Lingua, quen lidera na Xunta o intento de pacto coa oposición para revitalizar o galego.

As reaccións á dimisión non se fixeron esperar. Son, logicamente, moi contrapostas.

Fontes do PPdeG despachou a súa saída cunha brevísima alusión de dúas liñas: “Sorprendidos por que ata hoxe mesmo non manifestase ningunha discrepancia coa liña do PPdeG. Respectamos a súa saída”.
 

Algo máis extenso foi o directamente aludido por Chapela.  O propio conselleiro José López Campos  suxeriu que os motivos da renuncia poderían estar relacionados con valoracións  persoais  alleas á cuestión lingüística.

"O motivo real da súa dimisión non é unha cuestión da súa posición no ámbito lingüístico"

“Supoño que terá outro tipo de valoracións que eu non podo entrar a valorar, seguramente se poidan ver nos próximos días pero estou convencido de que pola súa actitude, pola súa implicación durante estes últimos meses, o motivo real da súa dimisión non é unha cuestión da súa posición no ámbito lingüístico”, argumenta o ex-alcalde da Estrada. 

Hai que ter en conta que Chapela tamén mostrou malestar co partido a nivel local, por unha cuestión urbanística en Bueu. En todo caso, a relación entre Chapela e  López Campos parece que non era moi boa xa hai tempo. Nas redes sociais, o dimisionario foi publicando estes meses fotos de numerosos eventos cos resposables de Cultura e Política Lingüística, pero non co conselleiro de Lingua.
 

O mandatario argumenta, ademais, que a política lingüística do PPdeG non variou. No que se pode interpretar como una puya ao dimisionario, López Campos sinala que é a mesma que hai dous anos e media, cando o edil de Bueu afiliouse aos conservadores.

No seu comunicado, Chapela destacou o seu descontento coa falta de liderado na xestión cultural e lingüística do conselleiro López Campos. Aínda que o partido insiste na continuidade da súa política lingüística, as críticas da súa até agora coordinador de Cultura abren interrogantes sobre a cohesión interna da formación nun tema clave para Galicia.

Os socialistas falan de división dentro dos conservadores

Dúbidas nas que, logicamente, profunda a oposición. A deputada socialista Silvia Longueira, portavoz de Cultura e Lingua no Parlamento autonómico, valorou a renuncia como un reflexo da "relación tóxica" do PPdeG co idioma galego e da "falta de rumbo" na súa política lingüística.

Longueira sinalou que esta renuncia pon de manifesto a división interna no PP sobre esta cuestión: "É unha mostra dos moitos concelleiros e alcaldes populares que non apoian as políticas lingüísticas executadas pola Xunta nos últimos 15 anos", afirmou.