A TVG cala tras a polémica por seleccionar unha pregunta da televisión de Javier Negre a Belarra sobre Paracuellos

A polémica saltou á esfera pública cando o mércores o colectivo de traballadores da emisora  "Defende a Galega" criticou o tratamento da noticia no Telexornal.

As únicas declaracións que emitiu  foron unha pregunta de Estado de Alarma TV (EDATV) á ministra de Podemos, Iolone Belarra.

"Xa que están a visitar ás vítimas da guerra, teñen pensado tamén visitar ás vítimas de Paracuellos a mans dos comunistas?" preguntou o comunicador de EDATV Vito Quiles. "Non é o día nin o lugar para isto", interveu unha asesora da ministra. "Vou responder aos medios de comunicación", engade a política antes de que outros informadores empecen coas súas cuestións. O reporteiro de EDATV quedou por tanto sen contestación e iso foi precisamente o que destacou a CRTVG.

É dicir, dos 42 segundos da información, 21 están dedicados a un corte que en realidade non achega nada informativamente sobre o asunto que, en teoría, levou ao Telexornal a seleccionar esa temática para emitir, a exhumación dunha fosa da Guerra Civil en Madrid. 

Iso si, o corte alimenta a polémica sobre a televisión Javier Negre - a quen políticos de esquerda empezaron a vetar polos seus contidos ultradereitistas ao entender que non exerce  informador, senón un propagandista neofascista-.

SILENCIO EN SAN MARCOS

"Que criterio xornalístico utilizouse para que, de todas as autoridades e cidadáns presentes, por exemplo o ministro Bolaños, a  TVG optase por emitir unha soa pregunta a Iolone Belarra ,que a ministra nin sequera contestou?", cuestionou Galiciapress ao ente público, sen recibir resposta.  A TVG tampouco quixo indicar quen tomou a decisión de seleccionar ese corte.

Negre aproveitou a polémica para presentarse como vítima . Así, vinculou o peche temporal da conta de Twitter de EDATV coa pregunta á mandataria, a pesar de que a propia  EDATV indicou que a rede social esgrimiu ,ao explicar o seu veto,  que outro contido violou as súas normas contra a incitación ao odio aos emigrantes. Ademais, Negre denunciou a "cacería" que di sofre a CRTVG por parte da esquerda.

REPERCUSIÓNS EN GALICIA

Na fronte política, o deputado socialista Pablo Aranguena criticou á emisora pública e denunciado que "é o medio# público máis sectario e manipulador de España". 

Na fronte sindical, a CUT, o sindicato con maior representación na emisora, advertiu que "vos mansos que manipulan teñen nome e apelidos" e que algúns se oculatan nos despachos.

 Está por ver que percorrido parlamentario ten finalmente o asunto, dado que Podemos non ten representación no Parlamento de Galicia.