Villarino vs González en Ourense e Pontes vs Fernández en Ourense, probables primarias no PSdeG 11 de decembro

Ferraz aproba un calendario para elixir candidatos ás eleccións locais. Na dirección galega cren que non será necesario aplicalo nas cinco cidades que xa gobernan, aínda que algúns alcaldes como Bugallo (Santiago) aínda non confirmaron que tentarán repetir.


|

Iván Pontes nunha foto da súa twitter a principios de novembro
O concelleiro Iván Pontes nunha foto da súa twitter a principios de novembro


As primarias do PSdeG para as próximas eleccións municipais galegas celebraranse --a falta da ratificación da Executiva galega-- o 11 de decembro. De ser necesaria unha segunda volta, organizaríase o 18 de decembro.

O calendario, proposto polo Comité Federal do PSOE que se celebrou este sábado en Ferraz, debe ser agora aprobado en Galicia, algo que, segundo as fontes socialistas consultadas por Europa Press, ocorrerá con moita probabilidade.

Así se axustan ao obxectivo que apuntaban semanas atrás de chegar ao Nadal con todos os candidatos xa elixidos.

Este proceso, detallan, afectará só a dúas cidades, Pontevedra e Ourense. Naquelas onde xa gobernan socialistas, repetirán os alcaldes como únicos candidatos.

Queda proposta así a primeira volta do proceso para o 11 de decembro. A segunda, que se celebraría o 18 de decembro, afectaría unicamente a aquelas cidades nas que haxa máis de dous aspirantes.

Se se cumpre o previsto, en Pontevedra non será necesario volver ás urnas. Polo momento só o edil Iván Pontes e o que foi candidato do PSOE nas anteriores municipais, o tenente de alcalde de Pontevedra, Agustín Fernández, deron a coñecer a súa intención de presentar candidaturas.

En Ourense, con todo, si podería darse unha segunda votación, xa que poderían ser máis os aspirantes. Ademais do actual portavoz socialista e candidato nas últimas eleccións municipais, Rafael Rodríguez Villarino, tamén poderían presentar batalla a concelleira Natalia González, quen recentemente se fixo co mando da agrupación local ao ser elixida Secretaria Xeral Local --tras unha etapa na que a dirección a ocupaba unha xestora--, e o exalcalde, Francisco Rodríguez.

PROCEDEMENTO PARA As PRIMARIAS
O calendario presentado por Ferraz recolle tamén as datas para o procedemento completo. A presentación de candidaturas farase entre o 21 e o 22 de novembro para, acto seguido, comezar coa recollida de avais --do 23 ao 29 de novembro--. Os candidatos poderán facer campaña entre o 1 e o 10 de decembro.

PRIMARIAS Á Xunta
Queda por ver cando terán lugar as primarias para escoller ao candidato do PSdeG á Presidencia da Xunta, uns comicios que se celebrarán en 2024 se non hai adianto electoral.

A vontade da dirección era que non coincidisen no tempo as primarias ás alcaldías e a elección do candidato á Xunta, como ocorreu en 2018 no proceso interno no que Gonzalo Caballero foi designado como aspirante á Presidencia da Xunta, para non restar relevancia aos distintos procesos.

Durante a campaña das primarias que o elevaron á secretaría xeral do PSdeG, un dos compromisos lanzados por Valentín González Formoso foi celebrar estes procesos con "tempo suficiente" para que calquera militante poida presentar as súas propostas e alternativas. "Non volverá haber unhas primarias a medida do Secretario Xeral", sinalou.

Precisamente, o líder dos socialistas galegos trasladou en varias ocasións a súa vontade de competir neste proceso interno. "Que non teñan ningunha dúbida de que me vou a candidatar para ser o próximo presidente da Xunta", sinalou o pasado 8 de xuño.

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal - Política de Cookies - Política de Privacidade - Configuración de cookies - Consello editorial - Publicidade
Powered by Bigpress
CLABE