Vox acusa a Sánchez de asaltar " todos os contrapoderes do Estado" e aínda así falar de "cartas marcadas"

O secretario xeral de Vox, Ignacio Garriga, cualificou de "curioso" que o presidente do Goberno, Pedro Sánchez, acuse ao #PP de xogar "coas cartas marcadas" na xustiza cando "foi el quen asaltou, da man do PP, todos os contrapoderes do Estado".

A preguntas dos medios este xoves en Santiago, Garriga incidiu en que "foi o presidente do Goberno quen asaltou o CGPJ, nomeou ao Fiscal Xeral do Estado e tivo a desvergoña, mesmo, de tentar que o irmán do presidente non tivese que declarar ante o xuíz".

Para Garriga, Sánchez "o que debería facer é esconder, tapar un pouco máis e dimitir de maneira inmediata porque cada día que seguen o poder é un día máis no inferno para os españois".

O secretario xeral de Vox atendeu aos medios de comunicación cando aínda non finalizara a declarción do exministro de Transportes José Luís Ábalos pola súa implicación no 'caso Koldo'.

Garriga afirmou que non quería "facer valoracións dun delicuente confeso" máis aló de que espera que "o máis pronto posible" Ábalos "entre no cárcere da man do presidente do Goberno e de todos eses cargos do PSOE" que "mentres os españois pasábano mal" estaban "a roubar diñeiro".

"Hai que denunciar ao Partido Socialista e a Pedro Sánchez como o goberno máis corrupto da nosa historia recente. Unha banda criminal", engadiu.