Accidente laboral en Vilamartín de Valdeorras: morre un traballador tras caer por un terraplén cunha máquina
Os feitos ocorreron nunha canteira do municipio ao redor das 13 horas deste sábado.
Un traballador perdeu a vida tras caer por un terraplén coa máquina cargadora que manexaba no municipio ourensán de Vilamartín de Valdeorras.
Segundo informou o 112 Galicia, o suceso produciuse minutos despois das 13.00 horas deste sábado cando o vehículo se precipitou por un terraplén mentres realizaba tarefas de movemento de material.
A voz de alarma deuna outro traballador da empresa que indicou á central de emerxencias que o home podería estar falecido.
Desta forma, avisaron aos profesionais de Urxencias Sanitarias de Galicia-061, aos Bombeiros e GES de Valdeorras, á Garda Civil e a Protección Civil.
Unha vez no lugar, os equipos de emerxencia só puideron confirmar o falecemento do traballador.
Escribe o teu comentario