Deteñen no Bolo a un home como presunto autor de matar á súa muller cunha arma branca

A Garda Civil detivo a un home, de 72 anos, no municipio ourensán do Bolo como presunto autor de matar á súa muller cunha arma branca.

Segundo fontes consultadas por Europa Press, os feitos producíronse sobre as 18.20 horas deste domingo na parroquia de As Hermidas e até o punto desprazouse un helicóptero medicalizado. Con todo, lvos profesionais sanitarios non puideron facer nada por salvarlle a vida á vítima, de 76 anos.

A Garda Civil investiga os feitos como un posible caso de violencia machista.
 

TRES DÍAS DE LOITO OFICIAL
O Concello do Bolo  convocou un pleno extraordinario para este luns ás 14.00 horas para declarar tres días de loito oficial polo crime dunha veciña de 76 anos de idade, supostamente a mans do seu marido, que permanece detido, á espera de pasar a disposición xudicial.

Segundo confirmou a Europa Press o alcalde do Bolo, Alberto Vázquez, despois de celebrar o pleno tamén convocarán unha concentración de repulsa polo que se investiga como un crime machista.

O rexedor explicou que o matrimonio fora emigrante e que, unha vez que ambos se xubilaron, instaláronse xa definitivamente nunha casa que fixeron en As Hermidas, un pobo onde residen unhas 20 persoas.

Sobre o matrimonio, que ten un fillo que reside fóra de Galicia, no concello non constaba rexistro por hipotéticas alertas, nin a parella requirira intervención de departamentos como o de servizos sociais.

"Todos os anos temos unha reunión coa Garda Civil e pásannos información sobre posibles casos, pero neste caso non nos consta", explicou o rexedor a Europa Press.