Visto e prace da Xunta para que Cafés Candeas constrúa unha nova planta en Lugo

Cafés Candeas obtivo o visto e prace da Xunta desde o punto de vista ambiental para construír unha planta en Lugo na que terá lugar o proceso produtivo na súa totalidade: recepción, procesado, almacenaxe e distribución.

Así o recolle o informe de impacto ambiental do proxecto de planta, de cuxo anuncio polo que se fai público salgue este luns no Diario Oficial de Galicia (#DOG).

O informe dá o 'ok' "sempre que se cumpran, ademais do recolleito no documento ambiental e restante documentación avaliada, o condicionado e o programa de vixilancia ambiental que figuran ao longo" do propio documento.

Nese caso, a Dirección Xeral de Calidade Ambiental cre que "non son previsibles efectos adversos significativos sobre o medio ambiente" e por tanto non considera necesario someter a iniciativa a avaliación ambiental ordinaria.
 

O promotor é Cafés Candeas e as instalacións proxectadas emprazaranse na parcela 'B6' cunha superficie de 17.938 metros cadrados no parque empresarial de As Gándaras, en Lugo.

PLANTA SOLAR EN SILLEDA

Por outra banda, o DOG tamén publica este luns unha resolución da Dirección Xeral de Enerxías Renovables e Cambio Climático, pola que outorga autorización administrativa previa e de construción das instalacións relativas ao proxecto da planta solar fotovoltaica Silleda Solar, promovido por Arcos de Graba, S.L.

Con domicilio social en Madrid, Arcos de Graba, S.L. proxecta unha - instalación solar fotovoltaica de 2.700 kW de potencia nominal (3.326 kWp) e potencia evacuable de 2.500 kW.