Grave accidente dun brigadista da Xunta en Verea

O condutor dunha autobomba resultou ferido nunha queima realizada na parroquia de Bengueses, no municipio ourensán de Verea na mañá do luns.

Segundo confirmaron fontes da Consellería do Medio Rural, o home tivo que ser trasladado ao hospital, con feridas nun brazo e nas mans.

Pola súa banda, fontes das brigadas do servizo de extinción aseguraron que na queima non había ambulancia e que o operario perdera moito sangue, ademais da ruptura de varios ósos.

O pasado 19 de marzo, outra motobomba do servizo de extinción da Xunta ardeu nun accidente ocorrido no municipio de Arnoia (Ourense). Neste caso, o condutor saíu polo seu propio pé e non producíronse danos persoais.