(VÍDEOS) Dan por controlado o incendio da Gudiña tras arrasar 200 hectáreas e co ollo posto en Portugal
Nas últimas datas foron xa varios os lumes que entraron na comunidade desde o outro lado da fronteira.
A Consellería do Medio Rural informou de que o incendio da parroquia de Pentes, no municipio da Gudiña (Ourense), foi controlado na mañá deste mércores despois de arrasar 200 hectáreas.
Na última actualización de incendios, Medio Rural explica que quedou controlado ás 10,40 horas. O lume iniciouse ás 13,18 horas do pasado luns. Mobilizáronse medios como 10 helicópteros, oito avións e 12 motobombas, entre outros, ademais de medios portugueses.
Por outra banda, está estabilizado desde as 13,00 horas deste mércores o lume declarado no mesmo municipio da Gudiña, parroquia de Barxa, despois de calcinar 90 hectáreas. Iniciouse na medianoite entre o luns e o martes. Participan medios como oito helicótperos, oitos avións e 22 brigada, entre outros.
Mentres, continúa activo o incendio do municipio de Chandrexa de Queixa (Ourense), parroquia de Requeixo, que se iniciou pasadas as 20,00 horas do martes. Queima máis de 20 hectáreas.
Así mesmo, está estabilizado o incendio do municipio pontevedrés de Cerdedo-Cotobade, parroquia de Aguasantas, que afecta a unha superficie de 20 hectáreas.
Escribe o teu comentario