Medio centenar de novas baixas na quenda de oficio tensan máis a corda co ICA de Ourense

Os avogados e procuradores da quenda de oficio mantéñense á fronte na liña de batalla organizada desde o pasado 21 de novembro, cando comezou unha folga histórica e pioneira en toda España. Tras máis de medio ano sen avances significativos na mellora das súas condicións laborais e salariais, o número de baixas no servizo da quenda de oficio comeza a comprometer aos Ilustres Colexios de Avogados, que ven como a postura do colectivo mantense inamovible mentres a saturación nos xulgados é cada vez máis evidente, con decenas de miles de casos paralizados no conxunto estatal. 

BAIXAS, BAIXAS...E MÁIS BAIXAS

Nesta situación atópanse moitos partidos xudiciais de Galicia, como o de Ourense, onde o pasado venres se presentaron 50 escritos máis solicitando a baixa nas xurisdicións de civil, laboral, contencioso administrativo, penal ou concursal, ademais de penal, menores, violencia machista e estranxeiría. As renuncias dos letrados supoñen un paso á fronte no sector, o enésimo despois do goteo de baixas que vén dando nas últimas semanas. 

De feito, fontes do colectivo detallan que moitos togados han pedio "a baixa en todas as xurisdicións da quenda de oficio". "O colexio négase a recoñecer as importantes dificultades que están a ter para cubrir o servizo cun 60% de profesionais menos que fai 15 días", sinalan estas mesmas fontes.

As dificultades son cada vez maiores pero, como xa ocorreu en Corcubión co ICACor recorrendo ao presunto traslado forzoso de profesionais desde outras localidades para manter á boia o servizo, en Ourense a instrución é reducir o número de profesionais diarios no servizo "e multiplicar de toda a provincia" para tratar de abordar todos os ámbitos nos que se quedaron coxos dos partidos xudiciais de Ourense, Bande, Xinzo e Celanova. 

"Ademais hase segregado da xurisdición de estranxeiría ao partido xudicial de Verin, que agora terá gardas independentes", apuntan. No entanto, esta non será a última fervenza de baixas, xa que no sector indican que en Cangas, Pontevedra ou Vigo pódense esperar nos próximos días decisións similares. "Os avogados seguirán incrementando as súas medidas de presión ata que a Xunta abra unha mesa de negociación", advirten.