Pedro Sánchez falaba de mazás e Alberto Núñez Feijóo de peras

A tensión e os nervios seguen facendo madeixa nos partidos políticos que concorren ás eleccións do 23J, especialmente entre os dous grandes: #PSOE e #PP. As enquisas que se van coñecendo, a maioría delas que dan como gañador aos populares desatan crises de ansiedade, tanto nun como noutro espazo político, especialmente entre os socialistas ante a posibilidade de perder o goberno. É normal que iso ocorra, nesta ocasión especialmente, dado que, se o PP quere gobernar, terá que facelo da man de VOX, o que levanta preocupación vistas as propostas que levan no seu programa electoral e que poden significar a perdida de logros conseguidos até agora e un ataque frontal ás liberdades. É VOX un perigo?. É evidente que si.

A cara a cara que se celebrou o luns pasado no grupo Atresmedia que engloba, entre outros, a Antena  3, a Sexta e Onda Cero esta sendo aínda comentado por varias razóns: unha, polo lugar elixido -proposto polo PP-. Dous porque os resultados non eran os desexados polos televidentes que esperaban máis contido en temas que afectan máis directamente ás persoas, e non foi así. Terceiro, porque o PP tiña un só obxectivo ir na liña de flotación do que chamaron derrotar ao “sanchismo” unha estratexia  que iniciaron xa na campaña das eleccións municipais do 28-M onde lideres populares cualificábana como “a primeira volta contra o sanchismo” e que nesta “segunda” eles denomina  “tinguir de Azul”, as praias de España.  

Seguramente nestas dúas estratexias: sanchismo e tinguir de azul, non é alleo Miguel Angel Rodríguez o xefe de gabinete da presidenta madrileña, un demócrata que censura a xornalistas.

O certo é que a cara a cara foi bronco, demasiado.  Pedro Sánchez nos primeiros minutos estaba demasiado nervioso - coma se fose o aspirante-, chegou a usar un ton algo soberbio e non soubo dirixir as súas intervencións nos logros do seu goberno e nas propostas que leva para gañar. 

Mentres que Alberto Núñez Feijóo cunha pouse máis tranquila e xesto controlado conseguiu sacar das súas casas en varias ocasións ao candidato socialista, que caeu na trampa do galego. O presidente do goberno non soubo corrixir algúns das afirmacións que eran falsas do líder popular. 

Resumindo, un falaba de peras e o outro de mazás, mentres os telespectadores alucinaban pepinillos.
 

A tensión, as interrupcións constantes dos dous, a pouca intervención dos moderadores deixouse notar ao longo dos 90 minutos de programa. Ao final da emisión, só no minuto de ouro de ambos os dous púidose traducir algo, o outro foi un "e ti máis". Situación que non é nova e que por desgraza se adoita dar con demasiada frecuencia.

A formulación que levaba Feijóo para a súa intervención estaba moi ben estudado e dirixido, porque contou con bos asesores nesta ocasión. En cambio, Pedro Sánchez co seu equipo asesor formado por Óscar López e Francesc Vallés á cabeza, está máis que comprobado que de estratexia de comunicación non teñen nin idea. O grave é que nestes anos o presidente Sánchez non se deu conta. Non só iso, senón que ao finalizar o debate todos eles máis o resto de acompañantes estaban satisfeitos e dábanlle palmaditas no ombreiro.

De verdade decátanse de algo?. Quen si entendeu a xogada foi Josep Creuheras, presidente do Grupo Planeta e Atresmedia, que unha vez finalizado “o debate” dirixiuse dereito ao grupo onde se atopaba Feijóo co seu equipo, entre eles o resucitado González Pons para falar con eles. Despois foise ao corro socialista, sen moito éxito, para volver de novo cos populares.

Os medios realizaron enquisas para saber quen foi o gañador desta cara a cara. A maioría afirman que Feijóo, pero quen de verdade dará a resposta son todos os cidadáns que vaian votar o 23J. Ese día, e só ese día, terase a verdadeira resposta.  Hai que ter coidado porque "non se pode  vender a pel do oso antes de cazalo".