Banco de Alimentos de Vigo busca aínda 1.000 voluntarios máis para o seu Gran Recollida

A Fundación Provincial Banco de Alimentos de Vigo busca aínda a uns 1.000 voluntarios para levar a cabo a Gran Recollida deste ano, que terá lugar os días 25 e 26 de novembro. Trátase dunha recollida que este ano recuperará o seu formato físico, tras a pandemia.

Así o sinalou hoxe Iván Martínez, presidente da organización, no marco da presentación da nova madriña desta campaña, a xornalista viguesa Alba Lago, de Informativos Telecinco.

A xornalista quixo subliñar que este ano, debido á inflación, é momento de "axudar máis que nunca", polo que lembrou que hai varias formas de facelo. Por unha banda, todoas aqueles que teñan dispoñibles catro horas os días venres e sábado, 25 e 26 deste mes, poden acudir de voluntarios a algún supermercado de Vigo e provincia.

Ademais diso, todo o mundo pode "arrimar o ombreiro" achegando unha doazón de comida non perecedoira nos establecementos que participan na campaña. Ela mesma estará o sábado 26 de novembro realizando o seu labor de voluntaria nun supermercado de Vigo e Pontevedra.

Baixo a lema 'Comer non pode ser un luxo', o Banco de Alimentos de Vigo busca recadar, como mínimo, 300.000 quilos de alimentos, unha cifra similar aos anos prepandémicos. O obxectivo é abastecer de alimentos básicos tanto o almacén de Lavadores como a nave de Pontevedra até a primavera de 2023. A Fundación Provincial atende actualmente a máis de 20.000 persoas que viven en situación de vulnerabilidade, a través de máis de 150 #ONG e entidades.

Para todo iso, a organización pediu aos cidadáns de Vigo que se apunten como voluntarios. Segundo Iván Martínez, "nos supermercados onde hai voluntarios a recadación é maior", xa que naqueles locais onde non están presentes "a campaña pasa desapercibida".

Para a Gran Recollida son necesarias unhas 2.000 persoas. Martínez agradeceu a acollida que tivo a chamada de Banco de Alimentos, pero insistiu en que aínda son necesarios outros mil voluntarios máis, que se poderán anotar a través da súa páxina web ou por teléfono.