Prisión para os integrantes dunha banda de ladróns detidos en Lugo tras unha persecución

A xuíza do Xulgado de Instrución número 2 de Lalín decretou o ingreso en prisión provisional, comunicada e sen fianza, para o catro integrantes dunha banda especializada en roubos que foron detidos na madrugada do mércores na localidade lucense de Meira, tras protagonizar unha persecución por varios municipios.

Segundo informaron desde o Tribunal Superior de Xustiza de Galicia, o catro están investigados por roubo e pertenza a organización criminal. A xuíza tivo en conta o risco de reiteración delituosa e de fuga para tomar esta decisión.

A detención produciuse na madrugada do pasado mércores, despois dunha persecución por diversos municipios da provincia de Lugo, que arrincou na zona da Mariña e na que participaron numerosas patrullas.

Catro dos sospeitosos foron interceptados finalmente no municipio da Pastoriza e foron detidos en Meira. Posteriormente, detívose tamén a outras dúas persoas, que quedaron en liberdade en dependencias da Garda Civil.