Ventos de 140 quilómetros por hora en Muras durante outro día de intensas precipitacións en Galicia

O municipio lucense de Muras rexistrou refachos de vento de 137,7 quilómetros por hora na madrugada deste domingo, na que Galicia están en alerta por temporal costeiro, choiva e vento.

Segundo Meteogalicia, o municipio coruñés de Lousame foi onde máis auga caeu nas últimas horas cun rexistro de 66,7 litros por metro cadro.

Durante esta xornada espéranse choivas intensas e, de face á noite, a cota de neve descenderá dos 1.300 metros até os 1.200 nas montañas de Lugo e Ourense.