Accidente mortal en Vilalba: un morto tras unha saída de vía e chocar contra dous coches aparcados
Os feitos ocorreron esta mañá ao redor das 10:20 horas na localidade lucense. As autoridades barallan unha indisposición do condutor como causa do sinistro.
Un home perdeu a vida tras saír da vía co seu vehículo e chocar contra outros dous estacionados na rúa do Campo de Ponte, en Vilalba (Lugo).
Segundo informou o 112, o suceso produciuse ás 10,20 horas deste sábado e foi un particular o que deu a voz de alarma. Os axentes da Policía Local desprazados até o punto barallan unha indisposición previa do falecido.
No operativo tamén participaron Urxencias Sanitarias de Galicia-061 e os Bombeiros Vilalba.
Escribe o teu comentario