Toda Ribadeo busca ao propietario dun 'rasca e gana' millonario do ONCE

Detrás dos trevos prateados escondíase a solución a moitos problemas dun cliente no restaurante do porto de Ribadeo. Ninguén sabe si é un veciño da localidade, só que é millonario despois de levar o premio do Rasca Platinum, un rasca e gana co que conseguiu unha fortuna. 

O millón de euros é o máximo premio que se pode obter nese sorteo e tamén o máis alto repartido nese establecemento, que se resiste a dar o nome do propietario. Só confesan que era un home e que no momento de coñecer o resultado marchouse correndo do local.  

Por agora, o premio non foi reclamado por ninguén. Desde o restaurante tamén apuntan que non se trata de alguén do municipio, pero ata que non se cobre non se pode descartar esa posibilidade, aínda que cren que "era un turista que pasaba". "Vendémoslle un e tocoulle o premio á primeira", indican. 

Non é, con todo, o primeiro premio da comarca. Nos últimos días a Lotaría Nacional deixou miles de euros en premios con acertantes en Foz, A Pontenova e Burela.