Rueda busca novas oportunidades de colaboración entre Galicia e China co presidente de CITIC Group

O presidente da Xunta, Alfonso Rueda, reuniuse este domingo en Vigo co presidente de CITIC Group, Xi Guohua, co obxectivo de avaliar posibles vías de colaboración estratéxica entre Galicia e China.

No encontro, no que tamén participou a conselleira de Economía e Industria, María Jesús Lorenzana, remarcaron as oportunidades que se abren para as relacións económicas entre a comunidade e o país asiático en sectores crave como os servizos financeiros, a industria de alta tecnoloxía, o desenvolvemento de novos materiais e as solucións de urbanismo sostible.

Rueda sinalou que a Xunta traballa para "converter a Galicia" nun polo de atracción industrial e que "é prioritario espertar o interese e confianza" dos grandes grupos empresariais.

Así mesmo, destacou a estabilidade de Galicia e lembrou que ofrece aos posibles investidores "seguridade xurídica" e as "máximas facilidades administrativas desde o estrito cumprimento á normativa ambiental".