Cancelada a procesión do Santo Encontro de Ferrol polo mal tempo
Así o comunicou a Xunta de Confrarías, que avanzou ademais que pode non ser a única cancelación, das que irán informando a través das súas redes sociais
A procesión do Santo Encontro de Ferrol, prevista para este venres, foi suspendida por mor da previsión de mal tempo.
Así o comunicou a Xunta de Confrarías, que avanzou ademais que pode non ser a única cancelación, das que irán informando a través das súas redes sociais.
Esta cancelación súmase ás xa suspendidas en multitude de municipios galegos polas condicións meteorolóxicas adversas, primando, segundo defenderon, a conservación do patrimonio.
En Ferrol, ademais, a Irmandade do Santo Enterro comunicou que os seus actos, o Desencravo e a procesión, celebraranse no interior da Concatedral de San Julián.
Escribe o teu comentario