O Concello do Carballiño traslada aos veciños o custo de 3,6 millóns en obras da auga que poderían pagar con subvencións

A aparente falta de rigor no novo contrato de concesión do ciclo da auga do Concello do Carballiño pode acabar implicando un sobrecusto notable  no recibo da auga que pagan os veciños. En concreto, poderíase encarecer en máis de 30 euros ao ano, segundo despréndese das alegacións presentadas ao concurso.
 

A clave do asunto é que o Concello imputou directamente ás tarifas unha serie de investimentos que poderían haber financiado doutra maneira, mediante diferentes liñas de subvencións públicas. O novo contrato de concesión do ciclo da auga -en fase de adxudicación por 55 millóns para os próximos 20 anos- inclúe actuacións por máis de 3,66 millóns susceptibles de recibir financiamento da Xunta de Galicia, o Goberno central ou a Unión Europea. 

As actuacións que O Carballiño prevé sufragar das súas arcas e que poderían ser pagadas, polo menos en parte, por outras administracións están o novo depósito gener (1,4 millóns); a ampliación da ETAP (681.259 euros) ou as melloras previstas na EDAR de Carrás. A estas súmase a renovación do parque de contadores. Dáse a circunstancia que o Concello incluíu esta mesma actuación de máis de 1,3 millóns  na solicitude de axudas PERTE para a dixitalización do ciclo da auga. Ao habela incluída tanto no novo contrato como na petición de subvención, o Concello podería caer nunha duplicidade, que pon en risco o cobro da axuda, segundo denunciou hai uns días Espazo Común.

O Concello, no estudo de viabilidade do contrato e os pregos técnicos, argumenta que  estas obras son prioritarias para o correcto funcionamento do servizo. Con todo, a Administración non explica como pretende pagalas con financiamento externo nin se achega unha explicación detallada de por que se descartan outras vías de cobertura económica. 

Outro punto polémico é o novo parque empresarial do Carballiño-Maside.  A Administración Local di que aínda non sabe que hídricas terá, a pesar de que o plan urbanístico da Xunta é público desde hai tempo. Aínda así, segundo indica a oposición de Espazo Común nas alegacións presentadas, o Concello incluíu o novo depósito como parte do contrato de abastecemento. A consecuencia é que, de non remedialo nada, o custo será asumido polos carballiñeses a través das súas facturas da auga e non polo dono do futuro  parque, a Xunta de Galicia.

As alegacións advirten que, máis aló do impacto económico, as obras previstas no concurso non serían suficientes para abastecer o novo polígono, tal como dáse a entender das respostas do Concello do Carballiño encargadas pola consultora Tirse Enxeñeiros.

Ademais destes problemas técnicos e financeiros, o concurso levantou polémica pola duplicidade con varias das actuacións previstas nas subvencións do PERTE concedido ao Carballiño por parte do Ministerio de Transición Ecolóxica. Dos 1,49 millóns de euros asignados polo Estado, máis dun millón xa está recolleito como investimento obrigatorio no contrato de auga vixente, o que podería constituír unha duplicidade no financiamento. 

O problema vai máis aló do Carballiño. Se se confirma esta irregularidade, o municipio podería verse obrigado a devolver a axuda, comprometendo de paso ao resto de administracións que sumaron forzas para pedir a subvención (A Cañiza, Maside, Mondariz, Mondariz-Balneario e Melón).

Así o sinalaron fontes do partido da oposición Espazo Común nunha nota de prensa, na que expresan a súa preocupación pola suposta perda dunha “subvención que xa tiña aprobada de máis dun millón de euros de fondos europeos”, en referencia ao proxecto destinado a modernizar o ciclo integral da auga.