Interceptan en Ferrol a un condutor sen carné que circulaba a 193 km/h nun tramo limitado a 90

Axentes da Garda Civil da Coruña investigan a un condutor sen carné sorpendido circulando pola AP-9 a 193 quilómetros por hora nun tramo limitado a 90.

Segundo informaron a través dun comunicado, o condutor foi detectado por un radar de tramo situado no Túnes de Sartego, no quilómetro 31 de #AP-9F, dirección Ferrol.

Dado que a velocidade era máis do dobre da permitida para a zona, a infracción foi derivada desde o centro de control automatizado a unha patrulla, que localizou ao condutor pouco despois.

No trascurso da súa identificación, os axentes descubriron, ademais, que o home carecía de permiso de conducir, xa que perdera todos os puntos. Por iso, impútanselle dous delitos contra a seguridade viaria.