Unha balea de 8 metros aparece nos peiraos da Estación Naval de Ferrol
O mamífero estaba nas proximidades do pantalán que usan as embarcacións máis pequenas, polo que supuña un perigo potencial. A Autoridade Portuaria de Ferrol xa retirou o seu enorme corpo.
O cadáver mide uns oito metros, polo que se estima que debe ser un exemplar novo.
O tamaño das baleas ronocuales varía segundo a especie, desde os 7-10 metros do rorcual aliblanco até os 25-27 metros do rorcual común.
Un cetáceo de 8 metros de lonxitude, cría de rorcual común, foi achado morto na mañá deste venres flotando en augas dos peiraos da Estación Vanal da Graña, en Ferrol.
Nun comunicado, a Armada explica que o achado foi efectuado por persoal de garda da Estación Naval durante unha das súas roldas de vixilancia nas instalacións portuarias do recinto militar e atopábase á boia nas proximidades dos pantaláns de embarcacións menores.
Tras ser atopado, o cetáceo permaneceu baixo supervisión para controlar que non implicase perigo algún para a navegación no caso de que fose arrastrado por posibles correntes até ser retirado polos medios axeitados.
A Armada explicou que avisou de forma "inmediata" ao Centro de Coordinación e Servizos da Autoridade Portuaria de Ferrol - San Cibrao (CCS) e á Coordinadora para o Estudo dos mamíferos mariños de Galicia (CEMMA), así como o Servizo de emerxencias 112 e á Estación Biolóxica da Graña para a adopción das medidas oportunas respecto da retirada do cetáceo, que foi efectuada sobre as 10,00 horas.
Escribe o teu comentario