Navantia desmente á CXT e asegura que a seguridade na Fábrica Dixital de Bloques "está garantida"

A polémica sobre as condicións de seguridade laboral na posta en marcha da Fábrica Dixital de Bloques de Navantia Ferrol enfrontou á dirección do estaleiro co sindicato CXT. Mentres a central sindical denunciaba a a intención da empresa de iniciar a actividade a pesar de existir riscos "importantes" non emendados, a compañía pública ha remitido un desmentido a Galiciapress no que garante que non se vai a realizar "ningunha acción que supoña un risco".

A versión da CXT

O conflito estalou cando a CXT fixo público un comunicado no que cualificaba de "irresponsabilidade" a decisión da dirección de Navantiade pór en marcha a nova planta o pasado luns. Segundo o sindicato, a decisión mantívose a pesar de que existía unha avaliación de riscos propia da empresa, un documento de 273 páxinas, que sinalaba deficiencias "moi graves". 

Fontes do sindicato afirmaron que, ante a negativa do comité de empresa, a dirección "reculó" a media mañá do luns, comprometer a non iniciar a produción até completar as comprobacións pertinentes.

En resposta a estas acusacións,  fontes oficiais de Navantia fan un desmentido"rotundo ás afirmacións do sindicato. A empresa subliña a importancia que lle dá á Prevención e á Seguridade e Saúde Laboral, asegurando que, para o arranque da Fábrica Dixital de Bloques, "como para calquera outra actividade, séguense e seguirán as indicacións de Seguridade e Saúde Laboral". No seu comunicado, Navantia confirma que os delegados de Prevención realizaron a pertinente Observación Preventiva (OP) e que se procedeu a "emendar as cuestións que expuñan", enmarcando este proceso dentro do "procedemento rutineiro normal". A compañía conclúe afirmando que "sempre pon a seguridade e a saúde dos traballadores en primeiro lugar". 

A Fábrica Dixital de Bloques é unha das apostas de futuro máis importantes para Navantia Ferrol. Considerada unha instalación "única en Europa" en construción naval militar, busca transformar o proceso produtivo do estaleiro mediante a dixitalización e a automatización . Precisamente, proxectos como este valeron á compañía recoñecementos recentes, como o premio á Excelencia en Proxectos TIC polo seu xemelgo dixital, unha ferramenta que, segundo a empresa, aumenta a seguridade e a prevención de riscos ao permitir, por exemplo, o control remoto de instalacións .

Con todo, este novo conflito sobre seguridade non é un caso illado nas relacións laborais de Navantia. A CXT protagonizou outras denuncias nos últimos meses contra a política da empresa. Recentemente, o sindicato criticou a inclusión nos novos contratos dunha cláusula que permite o despedimento se o CNI denega a habilitación de seguridade, advertindo do risco para a liberdade ideolóxica .