Os beneficios de CaixaBank no primeiro semestre escalan un 10,3%, até os 2.951 millóns de euros
As contas da entidade bancaria neste primeiro semestre de 2025 non poderían ser máis positivas. O Grupo CaixaBank celebra un beneficio neto de 2.951 millóns de euros, o que significa un incremento do 10,3% con respecto ao mesmo período do ano anterior, cando o beneficio foi de 2.675 millóns de euros.
Os resultados da entidade, que presta servizo a 20,5 millóns de clientes a través de máis de 4.000 oficinas en España e Portugal, permiten falar da solidez das súas contas e o crecemento sostido.
Doutra banda, a entidade alcanza elevadas cotas de mercado en España, incorporando un neto de 360.000 clientes nos últimos doce meses.
Escribe o teu comentario