Sanidade declara a balsa de lodos vermellos de Alcoa San Cibrao como residuo perigoso
O comité de empresa apura a firma para que realice os investimentos axeitados para a ampliación desta infraestrutura.
O comité de Alcoa San Cibrao informou de que a Consellería de Sanidade catalogou á balsa de lodos vermellos (DBR) da Mariña como "residuo perigoso", polo que agora urxe á compañía a realizar investimentos para a súa ampliación.
Nun comunicado, o comité insta a que, á espera do trámite medioambiental, Alcoa aprobe "de forma urxente" o investimento do proxecto de ampliación do DBR até a cota de 104 metros, catro máis da actual.
Esta solicitude do comité busca "empezar de inmediato coa contratación das empresas concesionarias da obra e a provisión de materiais e maquinaria".
E que os representantes dos traballadores avisan de que esta aprobación do investimento "é necesaria para chegar a tempo á finalización das obras sen ter que parar ou reducir máis a produción da planta".
Todo iso mentres segue o proceso de venda do complexo de San Cibrao, no municipio lucense de Cervo, no que seis empresas interesas realizan visitas á fábrica.
Escribe o teu comentario