Amancio Ortega ingresará 2.845 millóns en dividendos de Inditex, máis que o PIB de Xibraltar

Os números de Inditex non fan máis que crecer e crecer a medida que a compañia téxtil expande as súas marcas e ve medrar o seu volume de negocio. 

Con estas cifras, Amancio Ortega, fundador e máximo accionista da compañía, ingresará este ano máis de 2.800 millóns de euros, máis que o PIB de Xibraltar ou países como Liberia, Bután, Cabo Verde ou San Marino. 

Inditex anunciou esta mañá un beneficio neto marca de 5.381 millóns de euros no seu exercicio fiscal 2023-2024, marcando un aumento do 30,3% respecto ao ano anterior. As vendas tamén alcanzaron unha marca de 35.947 millóns de euros, un aumento do 10,4% respecto de 2022.

O consello de administración propuxo un incremento do dividendo do 28%, chegando a 1,54 euros por acción para o exercicio 2023. Este dividendo inclúe un dividendo ordinario de 1,04 euros e un dividendo extraordinario de 0,50 euros por acción.

O Ebitda creceu un 13,9%, chegando a 9.850 millóns de euros, e o Ebit aumentou un 23,4%, chegando a 6.809 millóns de euros. A empresa planea investir ao redor de 1.800 millóns de euros en 2024, principalmente na optimización do seu espazo comercial, a integración tecnolóxica e a mellora das plataformas online. Tamén levará a cabo un programa de investimentos extraordinario de dous anos destinado á expansión da capacidade loxística, con 900 millóns de euros en cada exercicio de 2024 e 2025.

Con estes números, Amancio Ortega, o fundador e principal accionista de Inditex, recibirá este ano 2.845 millóns de euros en dividendos, superando os 2.217 millóns do ano anterior. A compañía distribuirá en total preto de 4.800 millóns de euros aos seus accionistas. A política de dividendos de Inditex inclúe un 'payout' ordinario do 60% do beneficio e dividendos extraordinarios. Amancio Ortega, quen posúe o 59,294% da empresa, inviste parte dos dividendos no sector inmobiliario a través da firma Pontegadea. 

A súa filla, Sandra Ortega, co 5.053% das accións, recibirá máis de 242 millóns de euros en dividendos, en comparación cos 188 millóns do ano anterior. Ao tempo, a presidenta non executiva de Inditex recibiu unha remuneración dun millón de euros no seu segundo ano na empresa, mentres que o conselleiro delegado, Óscar García Maceiras, cobrou 10,3 millóns de euros, segundo o informe anual de goberno. corporativo enviado á CNMV.

USO DA IA EN INDITEX

Marta Ortega comezou o seu mandato en abril de 2022, mentres que García Maceiras asumiu o seu cargo en novembro de 2021, cando se anunciaron cambios na dirección da firma. Maceiras, na presentación das cifras, valorou o emprego da Intelixencia Artificial como "complemento" ao traballo humano, sendo "unha oportunidade e unha panca de mellora".

"Ofrecemos a todos os nosos equipos a posibilidade de testar a IA nunha contorna segura, pero non temos ningunha dúbida de que a IA será un complemento, un apoio para a tarefa que imos seguir desenvolvendo contando coa intelixencia humana", destaca.

"Nós vemos a IA como unha oportunidade, como unha panca de mellora no traballo de todos os nosos equipos. O noso negocio vai máis aló de vender roupa. Cremos firmemente que eses anhelos, esas emocións non poden ser substituídos a través da IA, senón que será un complemento, un motor, un trampolín para que os equipos sigan despregando todo o seu telento nos disntos ámbitos", resolveu o conselleiro delegado.