Preto de 70 empregados de Hiperxel maniféstanse en Vigo ante a sede da empresa, ao bordo do concurso de acredores

Preto de 70 traballadores da cadea galega especialista en alimentos conxelados Hiperxel das provincias da Coruña e Lugo manifestáronse este martes ante a sede central da compañía, que se atopa situada no barrio vigués de Teis, tras levar "case tres meses sen cobrar".


|

Os traballadores, aos que a firma galega debe varias mensualidades, denuncian a opacidade da compañía que aínda non lles achegou "un plan B" que poida reconducir a situación.

 

Hiperxel dispón duns 320 traballadores e unhas 100 tendas en toda a comunidade. A empresa especializada en asesoramento xurídico-fiscal Norgestión considera que a compañía "é viable".
 

Unos 70 trabajadores de Hiperxel de las provincias de A Coruña y Lugo se manifiestan en Vigo ante la sede de la empresa.
Foto: EP

 

Preto de 70 traballadores da cadea galega especialista en alimentos conxelados Hiperxel das provincias da Coruña e Lugo manifestáronse este martes ante a sede central da compañía, que se atopa situada no barrio vigués de Teis, tras levar "case tres meses sen cobrar".

Así o aseguraron a Europa Press fontes sindicais da compañía, que culpan da actual situación ao anterior director pola súa xestión e aos actuais donos polo seu "deixamento".

Non o fixeron os traballadores da provincia de Pontevedra tras descartar en asemblea ir a folga. "A estas alturas da película non nos beneficia moito", sinalaron outras fontes sindicais.

En toda Galicia, Hiperxel dispón duns 320 traballadores, repartidos nunhas 100 tendas, que "levan case tres meses sen cobrar e que de momento están á espera de que a empresa lles achegue un plan b co que poder saír adiante".

Esa máis que posible solución, aseguran fontes sindicais, pasa pola chegada dun novo provedor que forneza novo xénero ás máis de cen tendas que Hiperxel ten en toda Galicia "entre este xoves e este venres".

"Imos defender o noso posto de traballo. Somos a maior cadea de conxelados de toda Galicia. A xente segue chamando para facer pedidos. Se nos dan conxelado nós vendémolo, non teño dúbidas", asegurou un traballador de Hiperxel.

Non é o único que o pensa, e é que segundo aseguran fontes sindicais pertencentes ao comité de empresa, un informe da empresa especializada en asesoramento xurídico-fiscal Norgestión chegou á conclusión de que Hiperxel "é viable".

 

Sen comentarios

Escribe o teu comentario




He leído y acepto la política de privacidad

No está permitido verter comentarios contrarios a la ley o injuriantes. Nos reservamos el derecho a eliminar los comentarios que consideremos fuera de tema.

Galiciapress
Praza da Quintana, 3; 15704 Santiago de Compostela
Tlf (34)678803735

redaccion@galiciapress.es o direccion@galiciapress.es
RESERVADOS TODOS OS DEREITOS. EDITADO POR POMBA PRESS,S.L.
Aviso legal Cookies Consello editorial Publicidade
Powered by Bigpress
CLABE