O conselleiro de Educación reúnese cos sindicatos do ensino concertado para coñecer as súas demandas

O encontro tivo lugar este xoves 7 de xullo e Román Rodríguez, conselleiro de educación, analizou con eles a caída da matrícula na concertada. 

As organizacións sindicais CC.OO., CIG e UXT conseguiron esta reunión tras encerrarse na Consellería de Educación para reclamar a convocatoria urxente. 

O asunto que máis lles preocupa é a posible destrución de traballos, pois a caída do número de matriculas ten tendencia a seguir aumentando. 

O conselleiro de Educación, Román Rodríguez, mantivo unha reunión de traballo coas organizacións sindicais do ensino concertado para escoitar as súas demandas, así como avaliar o contexto educativo cunha caída da matrícula derivada da redución da natalidade.
 

As organizacións sindicais han presionado para ter este encontro, pois levaba sen convocarse a Mesa Tripartita da Enseñana Concertada desde facía dous anos. Finalmente, Román aseguroulles que os atendería entre o 5 ou o 6 deste mes. 

Na reunión, o conselleiro trasladou aos representantes sindicais que, segundo os datos estatísticos estimados, constátase unha perda aproximada de 7.600 alumnos en Educación Infantil e Educación Primaria en todo o sistema o próximo curso, o que esixe "unha planificación responsable na xestión dos recursos públicos en aras de garantir a máxima calidade na oferta".

Este encontro, segundo informou a consellería, enmárcase dentro do calendario de contactos que veñen mantendo coas organizacións sindicais para o diálogo e a colaboración no ámbito educativo.